Máis de 19.000 espectadores gozaron coa segunda edición do Encontro Mundial de Humorismo na Coruña
A segunda edición do Encontro Mundial de Humorismo (EMHU), que comezou o pasado 29 de abril, chega hoxe á súa fin cun balance de asistencia de máis de 19.000 espectadores.
A boa resposta do público quedou plasmada no número de espectáculos que esgotaron entradas, un total de oito: ‘En su cabeza era espectacular’, de Pantomima Full; as dúas funcións de ‘Humoris Causa’, de Xosé Antonio Touriñán, Ana Morgade, Eva Hache e Leo Harlem; ‘Adivina quién viene esta noche’, con David Amor; ‘Saldremos mejores’, con Inés Hernand e Nerea Pérez; e ‘A vivir que son dos días’, con Javier del Pino.
Esta tarde, ás 20.00 horas, o Teatro Colón acolle a gala de clausura da segunda edición do EMHU, que contará coa presenza da alcaldesa, Inés Rey. Os cómicos e monologuistas Luis Piedrahita, Silvia Abril, David Fernández e David Amor protagonizarán o espectáculo ‘Fantastic Colofon’, que tamén esgotou entradas e porá o peche a esta edición, na previa da entrega dos Premios EMHU 2022 ás e aos artistas gañadores deste ano.
